Бөлүмдөр
Жекшемби, 8-декабрь
Нарын облусуАк-Талаа району 25.10.2019 17:17

Ак-Талаада Калый Молдобасановдун 90 жылдык мааракесин уюштургандар сыйланды

Turmush -  Нарын облусунун Ак-Талаа районунда композитор Калый Молдобасановдун 90 жылдык мааракесин уюштурууга активдүү катышып, салым кошкон адамдар сыйланганын райадминистрациянын адиси Элмира Токтогулова аймактык кабарчыга билдирди.

23-октябрдагы сыйлоо аземине акимдин орун басары Кенжегүл Карагулова, райондук токой чарбасынын жетекчиси Рысбек Каналиев, райондук билим берүү бөлүмүнүн башчысы Каныбек Эсеналиев, К.Молдобасанов атындагы фонддун төрагасы Бердигул Чойбеков жана башкалар катышты.

Ак-Талаа райондук мамлекеттик администрациясынын ардак грамотасы менен сыйлангандар:

- Жаныбек Эсеналиев, Кыргыз радиосунун адабий бөлүмүнүн редактору;
- Эсенбү Мамбеталиева, Терек айыл өкмөтүнүн адиси;
- Жаннат Мактыбекова, Терек айылдык китепканасынын башчысы;
- Айзат Сүйгөнбаева, Калый Молдобасанов атындагы орто мектебинин тарых мугалими.

Райондук билим берүү бөлүмүнүн ардак грамотасы менен сыйлангандар:

- Тилеберди уулу Ильич, К.Молдобасанов атындагы орто мектебинин чарба башчысы;
- Венера Аманбекова, «Тереке-Береке» бала бакчасынын ашпозчусу.

Терек айыл өкмөтүнүн ардак грамотасы менен сыйлангандар:

- Акылбек Медеров, К.Молдобасанов атындагы орто мектебинин директорунун тарбиялык иштер боюнча орун басары.

Ошондой эле айыл өкмөттүн, К.Молдобасанов атындагы орто мектебинин жана «Тереке-Береке» бала бакчасынын жалпы эмгек жамаатына райадминистрациянын ыраазычылык каты ыйгарылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×