Бөлүмдөр
Жекшемби, 8-декабрь
Нарын облусуАк-Талаа району 13.11.2019 12:33

Ак-талдыктар акимге кайсы көйгөйлөрүн айтышты?

Turmush -  Ак-Талаа районунун Ак-Тал айылынын жергиликтүү жашоочулары район акими Сейтек Кулубаевге бир катар көйгөйлөрүн чечип берүүнү билдиришти. Бул тууралуу аймактык кабарчы билдирди.

Кечээ, 12-ноябрда район акими С.Кулубаев аталган айылга иш сапары менен барды. Иш сапардын негизги максаты — айыл өкмөтүнүн бир жылда аткарган иштеринин маалыматын угуу, жергиликтүү тургундар менен жолугушуу жана кыш мезгилине карата даярдыктар менен таанышуу.

Аким алгач айылдагы бир катар социалдык объектилердин абалы жана алардын ишмердүүлүгү менен кеңири таанышып чыккан соң, айылдык маданият үйүндө жергиликтүү тургундар менен жолугушту. Жолугушуу учурунда айыл өкмөт башчысы Эркинбек Сатаров аткарылган иштер, алдыга коюлган пландар жана бир катар кемчиликтер туурасында доклад жасады. Андан соң, райондук айыл чарбасын өнүктүрүү департаментинин башчысы Улан Казиев айыл чарба тармагы боюнча элге маалымат угузду. Ал эми райондук ички иштер бөлүмүнүн башчысынын орун басары Улан Кубатов сайлуу жана сайсыз ок атуучу куралдарды мыйзамсыз алып жүрүшкөн адамдарга 250 миң сомго чейин айып пул салынарын, документи жок көтөрүп жүрүшкөн жөнөкөй мылтыктарын мыйзамдаштырып алууларын жана жараксыз ок атуучу куралдарын тапшырууну билдирди. Андан кийин жарыш сөзгө чыккан тургундар айылдын борбордук көчөсүнө тротуар жасоону, көчөдө көчө жарыктары жарытылуу иштебегендигин, айылда электромонтер жок болгондуктан электрдик авариялар өз учурунда оңдолбой калып жаткандыгын, жаштарга турак жай салууга жер тилкелери берилбей, көйгөй жаралгандыгын, Аскар Турдакунов атындагы орто мектебинин имараты авариялык абалда болгондуктан жаңы мектеп куруу жана бала бакча куруу зарылдыгын айтышты.

Айтылган көйгөйлөр боюнча район жетекчиси чукул арада ыкчам аракеттер көрүлөрүн баса белгиледи.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×